2022 жылдың 31 қаңтарында басталған “Б” корпусының мемлекеттік әкімшілік басқарушы лауазымына алғаш тағайындалған мемлекеттік қызметшілерге арналған қайта даярлау курстары аяқталуға жақындады.
Курс тыңдаушыларына одан әрі дамуы мен мемлекеттік қызметте ілгерілеуі және мемлекеттік қызметтің моральдық, этикалық және адамгершілік бағдарларының негіздерін ашу үшін пайдалы болуы мүмкін білім мен тәжірибе алмасу мақсатында 2022 жылдан бастап қайта даярлау курстарының бағдарламаларына практиктер мен мемлекеттік қызметте тәжірибесі бар тұлғалармен мотивациялық дәрістер енгізілді.
Бұл жолы мотивациялық дәрістің спикері ретінде ҚР Президентінің жанындағы Мемлекеттік басқару академиясының Қостанай облысы бойынша филиалының директоры, @apa.kz Түлектер қауымдастығының мүшесі, @University of Leeds британдық жоғары оқу орнының түлегі, “Болашақ” бағдарламасының стипендиаты Бекахметова Ақерке сөз сөйледі.
Ақерке Дәуренбекқызы алғаш рет тағайындалған басшыларға мемлекеттік қызметтегі жеке жұмыс тәжірибесі жөнінде, басшы ретінде қалыптасу кезеңінде кездескен қиындықтар және өзін-өзі дамыту мен өзін-өзі тәрбиелеудің маңыздылығы туралы айтып, Академияда оқудан алған әсерлерімен, сонымен қатар Академия магистранттары мен докторанттарына ашылатын артықшылықтар мен мүмкіндіктер туралы ой бөлісті. Тыңдаушылар “Болашақ”бағдарламасы бойынша оқу туралы ақпаратты да үлкен қызығушылықпен қабылдады.
Кездесу әңгімелесу форматында өтті, бұл тыңдаушыларға шара барысында қозғалған тақырыптарға қатысты өз ойларын айтуға мүмкіндік берді. Тыңдаушылар оқуға түсу мен оқытудағы негізгі қиындықтар тілдік кедергімен байланысты екендіктерімен бөлісті. Пайдалы ақпаратқа алғыс білдіре отырып, олар үшін осындай мотивациялық кездесулердің маңызы зор екендігін атап өтті.
