Биылғы жылы “Б» корпусының мемлекеттік әкімшілік қызметіне алғаш кірген мемлекеттік қызметшілерді қайта даярлау курстарының соңғы легі аяқталды.
⠀
Курс бағдарламасы екі “Даму күнін” қамтыды, олар келесі тақырыптарға арналды:
⠀
«Өңірлік саясат: әлеуметтік әріптестік және Қостанай облысының дамуындағы ҮЕҰ рөлі»;
⠀
«Қазақ даласының ұлы адамдары: А. Байтұрсынов», А. Байтұрсыновтың 150 жылдығына арналған викторина.
⠀
Тыңдаушылар курстағы жарқын сәттердің бірі ретінде өткен мотивациялық кездесуді атап, онда берілген ҚР Президентінің жанындағы Мемлекеттік басқару академиясында магистратура және докторантура бағдарламалары бойынша оқуға түсу, сондай-ақ «Болашақ» бағдарламасы, ПЖКР және басқа да көптеген даму және өзін-өзі дамыту мүмкіндіктері туралы ұсынылған ақпараттың өздері үшін құндылығы мен келешекте тұлға ретінде қалыптасуларына қажеттілігін атады.
⠀
Сонымен қатар, оқу барысында тыңдаушылар 6 жоба әзірлеп, қорғауға ұсынды, оның бесеуі емтихан комиссиясының шешімімен «А» шегінде бағаланды.
⠀
Филиалдың облыстық жобалар конкурсына қатысуға келесі үш үздік жоба таңдалды:
⠀
«Барлығына арналған спорт – жылдамырақ, жоғарырақ, күштірек»;
⠀
«Мәңгілік»;
⠀
«Geo Vita — эко және биологиялық ыдырайтын ыдыс».
⠀
А.ж. 29 қарашасынан бастап жобалар байқауының материалдарын Facebook, Instagram, YouTube каналдарындағы филиал беттерінен қарап, үздік жобаларға дауыс берулеріңізге болады.
