Абай Құнанбайұлының күніне орай «Ақыл, Қайрат, Жүректі бірдей ұста!» Абайдың 17-ші қара сөзі атты ашық дәріс

Филиалымызда «Абай күніне» арналған челлендж аясында екінші ашық дәріс өтті.
⠀
Дәрісті “Мирас” кеңесінің басшысы, ұлт жанашыры, облыстық мәслихаттың депутаты Қырмызы Жаңбыршина «Ақыл, Қайрат, Жүректі бірдей ұста!» Абайдың 17-ші қара сөзі» тақырыбында өткізді. Дәріс барысында Қырмызы Сапарқызы Абайдың он жетінші қара сөзінің мәнін түсіндіріп, өз ойларымен бөлісті.
⠀
Дәріске филиал тыңдаушыларымен қоса, инстаграм желісі арқылы қызығушылық танытқан Қостанай қаласының тұрғындары қатысты.
⠀
Дәріс соңында Қырмызы Сапарқызы келесі ашық дәріс өткізу челленджін облыс әкімі аппараты басшысының орынбасары Мұсабаева Әлфия Мейрамқызына жолдады.
⠀
Келесі ашық дәрістің өту күні мен уақыты туралы ақпарат қосымша хабарланатын болады.
Ашық дәріске қатысып біліміңіз бен танымыңызды кеңейту мүмкіндігін жіберіп алмаңыздар, құрметті оқырмандар!