А.ж. 5-9 желтоқсан аралығында Филиалымызда жергілікті деңгейдегі депутаттардың біліктілігін арттыру бағдарламасы аясында 6-шы ағымға арналған семинар өтті.
⠀
Семинар бағдарламасы мәслихаттардың қызметін ұйымдастырудан және депутаттың имиджі мен парасаттылығынан бастап, тиімді коммуникациялар мен шешімдер қабылдау мәселелеріне дейінгі практикалық мәселелердің кең ауқымын қамтыды.
⠀
Бес күн бойы облыс депутаттары өздерінің білімдері мен құзыреттіліктерін жетілдіріп, тиімді депутаттық қызметті жүзеге асырудың практикалық құралдарымен танысты. Семинар барысында тыңдаушылар әріптестерімен тәжірибе алмасып, жұмыста кездесетін кейстерді талдады.
⠀
Оқу процесінің соңында тыңдаушылар сапалы ұсынылған материал үшін алғыс білдіріп, алған білімдері олардың өкілдік функцияларды орындауына оң әсер ететіндігіне сенім білдіріп, ұйымдастыру мен оқыту сапасы жағынан жоғары бағалады.
