Бүгін филиалымызда қаржы жүйесінің мамандары үшін ұйымдастырылған «Мемлекеттік органдардағы бухгалтерлік есептің ерекшеліктері. ҚСҚЕХС» семинары өз мәресіне жетті.
⠀
Семинардың мақсаты — есептеу әдісі бойынша қоғамдық сектордың қаржылық есептілігінің халықаралық стандарттарға (бұдан әрі-ҚСХҚЕС) сәйкес бухгалтерлік есепті жүргізу және қаржылық есепті жасау туралы толық ақпаратпен қамтамасыз ету болды.
⠀
Жаттықтырушы ретінде мемлекеттік органдар мен коммерциялық құрылымдарда үлкен тәжірибесі бар сертификатталған кәсіби бухгалтер Нүрия Әшірова шақырылды.
⠀
Оқыту шеңберінде мемлекеттік мекемелерде бухгалтерлік есеп жүргізудің нормативтік құқықтық актілері, есеп саясаты, бухгалтерлік есеп жүргізудің қағидалары мен қағидаттары түсіндірілді.
⠀
Семинарға қатысушылар жаттықтырушымен бірге кейстерді талдап, мәселелердің шешу жолдарын іздеді, құжаттардың толық пакетін толтырды.
⠀
Семинар материалдарының мазмұнды және пайдалы болуы қатысушылар тарапынан көптеген сұрақтарға жауап алуға тамаша мүмкіндік болды және олардың ерекше қызығушылықтарын оятты.
