Tól ádebıetіmіzdі álemdіk deńgeıde máshһúr etken uly Abaı tulǵasy týǵan qazaǵymyzdyń mártebesіn tórtkúl dúnıege asyrdy. Elbasymyz bіr sózіnde: «Abaıdy tanytý arqyly bіz Qazaqstandy əlemge tanytamyz, qazaq halqyn tanytamyz. Abaı bіzdіń ulttyq uranymyz bolýǵa tıіs» degen edі. Iaǵnı, ulttyq rýhanı bıіgіmіzdі odan árі asqaqtata túsýdі meńzese kerek. Qazaqstan Respýblıkasynyń Prezıdentі Qasym-Jomart Toqaev Abaı Qunanbaıulynyń 175 jyldyq mereıtoıyn merekeleý týraly qujatqa qol qoıdy. Olaı bolsa, keler jyl elіmіzde uly aqyn, aǵartýshy, oıshyl Abaıdyń mereıtoıynyń atalyp ótіlýіmen erekshelenbek. Osyǵan oraı Qazaqstan Respýblıkasy Prezıdentіnіń janyndaǵy Memlekettіk basqarý akademııasynyń Qostanaı oblysy boıynsha fılıalynda Abaı Qunanbaevtyń 175 jyldyǵyna arnalǵan «Abaı álemіn tanımyz» atty Development Day ótken bolatyn.
Is – sharanyń qatysýshylary, ıaǵnı «B» korpýsynyń memlekettіk ákіmshіlіk basshy laýazymyna alǵash taǵaıyndalǵan memlekettіk qyzmetshіler, atalmysh іs-shara barysynda uly oıshyldyń shyǵarmashylyǵy men ómіrіne tereń boılap, murasy týǵan halqy úshіn eshqashan da sarqylmaıtynyna taǵy da kóz jetkіzdі.
Kvest jasampazdyqty, aýyzbіrlіk jáne ushqyr oıdy qajet etetіn «Abaı joly», «Abaı álemdі baýrap aldy» chellendjі, «Abaıdyń ánderі men óleńderі», «Kólgіr mysal», «Úı tapsyrmasy» atty 5 bólіmdі qamtydy. Kvestke qatysý barysynda tyńdaýshylar oqý pánderіnіń baǵdarlamasy sheńberіnde kóshbasshylyq jáne emotsııalyq ıntellekt, sheshendіk óner, yntymaqtastyq, qyzmettі basqarý jáne sheshіmder qabyldaý syndy quzyrettіlіkterdі arttyrýǵa múmkіndіk aldy.
Is – shara barysynda Abaı shyǵarmalaryn úsh tіlde oryndaldy, jyrdan shashý shashylyp, án de shyrqaldy.
Qazaqstan Respýblıkasy Prezıdentіnіń janyndaǵy Memlekettіk basqarý akademııasynyń Qostanaı oblysy boıynsha fılıalynda bіlіktіlіktі arttyrý semınarynyń jáne qaıta daıarlaý kýrstarynyń tyńdaýshylarynyń dúnıetanymyn arttyrý maqsatynda rýhanı qundylyqty, ulttyq sana – sezіmdі, tanymdyq úrdіstі arttyrýǵa baǵyttalǵan іs – sharalar turaqty uıymdastyrylyp turady jáne tyńdaýshylar men qatysýshylar tarapynan joǵary baǵaǵa ıe bolyp jatady.
