Ағымдағы жылдың 2-3 наурызында ҚР Президентінің жанындағы Мемлекеттік басқару академиясының Қостанай облысы бойынша филиалында “Б”корпусының мемлекеттік әкімшілік қызметіне алғаш кірген мемлекеттік қызметшілер қатарынан қайта даярлау курстарының тыңдаушылары үшін мотивациялық дәрістер өткізілді.
Кездесулердің мақсаты курс тыңдаушыларын одан әрі дамыға және мемлекеттік қызметте маңсаптық өсуге жігерлендіруге, сонымен қатар мемлекеттік қызметшілер қызметінің моральдық, этикалық және адамгершілік бағдарларының негіздерін ашуға бағытталған білім мен тәжірибе алмасу болып табылды.
Спикер ретінде ҚР Президентінің жанындағы Мемлекеттік басқару академиясының Қостанай облысы бойынша филиалының директоры, @apa.kz Қостанай Түлектері қауымдастығының төрайымы, “Болашақ” бағдарламасының стипендиаты, @University of Leeds британдық жоғары оқу орнының түлегі Ақерке Бекахметова сөз сөйледі.
Ақерке Дәуренбекқызы мемлекеттік қызметтегі жеке жұмыс тәжірибесі, басшы ретінде қалыптасудың бастапқы кезеңінде кездескен қиындықтары, өзін-өзі дамыту мен өзін-өзі тәрбиелеудің маңыздылығы туралы айтып, оқудан алған әсерлерімен бөлісті. apa.kz магистранттары мен докторанттарының артықшылықтары мен олардың алдында ашылатын мүмкіндіктері туралы баяндап берді. Тыңдаушылар “Болашақ”бағдарламасы бойынша оқу туралы ақпаратты да үлкен қызығушылықпен қабылдады.
Мемлекеттік қызметке алғаш кірген тыңдаушылар бұл кездесудің маңыздылығын атап өтіп, Ақерке Дәуренбекқызына пайдалы инсайттар үшін алғыс білдірді.
