Қостанай облысы бойынша филиалының қызметкерлері 2022 жылдың 17 ақпанында Л.Н.Толстой атындағы Қостанай облыстық әмбебап ғылыми кітапханасының Қазақстан Республикасы Мемлекеттік рәміздерінің 30 жылдығына арналған “Төрткүл дүние таныған тәуелсіздік нышандары ” атты кітап көрмесінің салтанатты тұсаукесеріне қатысты.
Іс-шарада мерейтой күнінің маңыздылығы туралы филиал әдіскері Мейрамгүл Оспанова өз пікірімен бөлісіп, мемлекеттік рәміздер – бұл кез келген мемлекеттің егемендігі мен бірегейлігін бейнелейтін ажырамас атрибуттарының бірі екенін атап өтті.
Сондай-ақ, Мейрамгүл Жұмалдинқызы таныстырылым қатысушыларына Қазақстанның туы қайда, қашан және қандай оқиғалар кезінде көтерілгені туралы айтып берді. Мысалы: 2012 жылғы 23 ақпанда Қазақстандық Андрей Гундарев Оңтүстік Американың ең биік шыңы – “Охос-дель-Саладоны” бағындырды, нәтижесінде Қазақстан туы әлемдегі ең биік жанартауға көтерілді.
