Академия
жаңалықтары

Өткен жұмада «Б» корпусындағы әкімшілік басшылық лауазымдарға алғаш рет тағайындалғандарға арналған қайта даярлау курсының тыңдаушылары үшін маңызды кезең аяқталды — олар өздерінің жоба жұмыстарын сәтті қорғап шықты.

Әрбір шағын топ оқу барысында әзірлеген жобаларын ұсынды. Жобалардың тақырыптары өте әртүрлі болды: қараусыз қалған тұрғын үйлерді жекешелендіру мәселесінен бастап, мемлекеттік қызметшілерге арналған бірыңғай киім үлгісін дайындау идеясына дейін.

Қорғаудың басты мақсаты — жай ғана жоба таныстыру емес, нақты мәселенің шешімін ұсыну болатын. Тыңдаушылар осы міндетті толық орындап, комиссияға өздерінің авторлық шешімдері мен жүзеге асыру жолдарын таныстырды.

Барлық қатысушыларға шығармашылық көзқарастары, тың идеялары және белсенді жұмыстары үшін алғыс білдіреміз. Ұсынылған жобалар қағаз жүзінде қалып қоймай, болашақта қызметте нақты іске асатынына сеніміміз мол!

Кеше аудандық маңызы бар қалалар, ауылдар, кенттер мен ауылдық округтердің әкімдеріне арналған біліктілікті арттыру бағдарламасының ресми ашылуы өтті. Іс—шараға Премьер—Министрдің орынбасары Қанат Бозымбаев, ҚР Мемлекеттік қызмет істері агенттігінің төрағасы Дархан Жазықбай және Мемлекеттік басқару академиясының ректоры Ерлан Әбіл Zoom арқылы қосылып, құттықтау сөз сөйледі. Сондай—ақ, бұл маңызды оқиғаға Қазақстанның барлық өңірлері онлайн форматта қатысты. 

Қостанай облыстық филармониясының күмбезді залында Костанай облысының аудандық маңызы бар қалалар, ауылдар, кенттер мен ауылдық округтердің әкімдері жиналды. 

Оқыту бағдарламасы жергілікті басқару міндеттерін тиімді орындау, ауыл халқының өмір сапасын арттыру және заманауи басқару тәсілдерін енгізу үшін қажетті негізгі құзыреттерді дамытуға бағытталған. 

Алдағы айларда қатысушылар 17 модульден тұратын қарқынды курсты меңгереді. Курс стратегиялық жоспарлау, бюджеттеу, ресурстарды басқару, цифрландыру, кәсіпкерлікті дамыту және басқа да маңызды бағыттарды қамтиды. 

Оқыту а.ж. 17 ақпан мен 13 мамыр аралығында Мемлекеттік басқару академиясының филиалында өтеді. Барлық қатысушыларға жемісті жұмыс және жаңа білімдерін тәжірибеде сәтті іске асыруды тілейміз!

Өткен аптада біздің филиалымызда Аймақтық кадрлық резерв мүшелері үшін «КӨШБАСШЫ КОМПАСЫ: СТРАТЕГИЯЛЫҚ ОЙЛАУ ЖӘНЕ КӨШБАСШЫЛЫҚ» семинары өтті.  

Қатысушылар мемлекеттік сектордағы басқару мәдениетіндегі өзгерістерді тиімді енгізу үшін өздерінің кәсіби құзыреттерін жетілдірді. Резервистерге дәрістерді филиалдың штаттық оқытушылары жүргізді, олар өзекті білімдерімен және практикалық кейстерімен бөлісті. 

Оқытудың тәжірибелік бөлімінде: 
— «АгромашХолдинг KZ» АҚ-на экскурсия ұйымдастырылды. Онда резервистер ауыл шаруашылығы техникасы мен машина жасау саласына арналған қосалқы бөлшектерді өндіру үдерісімен танысты.  
— Екінші күні IT HUB-қа барып, тыңдаушылар IT саласындағы перспективалы стартаптар мен цифрлық технологиялардағы инновациялар туралы ақпаратпен таныса алды.  

Осындай тәжірибелік сабақтар білімді тереңдетіп қана қоймай, оны нақты басқарушылық тәжірибеде қолдануға мүмкіндік береді!

Өткен аптада Қостанай облысы бойынша ҚР Президенті жанындағы Мемлекеттік басқару
академиясының түлектері қауымдастығының мүшелерінің биылғы бірінші отырысы өтті.
⠀
Кездесудің негізгі мақсаты түлектеріміздің
қамқорлығына алынған балалар үйінің тәрбиеленушісімен жақынырақ танысу болды.
Отырысқа сонымен қатар балалар үйінің
директоры Павел Коваль қатысты. Кездесу жылы және достық атмосферада өтті.
⠀
Қауымдастық әлеуметтік бастамаларды жүзеге асыруды жалғастыруда және
өскелең ұрпаққа белсенді қолдау көрсетуді жоспарлап отыр.
⠀
Мұндай жобалар балаларға
көмектесіп қана қоймай, барлығымызды жаңа игі істерге шабыттандыратынына сенімдіміз!

Кеше «Б» корпусының мемлекеттік әкімшілік қызметіне алғаш қабылданған мемлекеттік қызметшілерді қайта даярлау курсы аясында Қостанай облысы әкімінің қаржы басқармасы басшының міндетін атқарушы Алма Жүсіпованың қатысуымен жылдың бірінші қонақ дәрісі өтті.
⠀
Курс тыңдаушыларымен сұхбатында Алма Әутенқызы өзінің мемлекеттік қызметші, басшы ретіндегі дамуы туралы, сонымен қатар қаржылық бюджет жүйесінің жұмысы туралы айтып берді.

Өткен жұмада филиалдың аға оқытушысы, облыстық мәслихат депутаты Ғайния Есеева ғылым мен қоғамдық қызметтегі үздік жетістіктері үшін жоғары марапаттарға ие болды. Ғылымның дамуына қосқан елеулі үлесі үшін оған «ҒЫЛЫМДЫ ДАМЫТУҒА СІҢІРГЕН ЕҢБЕГІ ҮШІН» төсбелгісі табысталды. Сонымен қатар, Ғайния Қалымжанқызы Қазақстанның өкілді билік органдарының мерейтойына орай «Қазақстан мәслихатына 30 жыл» мерекелік медалімен марапатталды.
⠀
Бұл марапаттар әріптесіміздің қажырлы еңбегін, кәсібилігін және ғылым мен қоғамның дамуына белсенді қатысуын лайықты мойындау болып табылады. Ғайния Қалымжанқызын осы маңызды жетістігімен құттықтаймыз және қызметінде одан әрі табыс тілейміз!

Дәрісті Қостанай облыстық Ыбырай Алтынсарин мемориалдық музейі басшысының орынбасары, ҚР мәдениет саласының үздігі Өтелбаева Салтанат Амантайқызы өткізді. Дәріс барысында спикер Абайдың отыз сегізінші қара сөзінің мәнін түсіндіріп, өз ойымен бөлісті. 
⠀ 
Дәрістің толық жазбасын біздің YouTube арнасындағы профилімізден БИОдағы сілтеме арқылы өтіп көруге болады. 
⠀ 
Келесі ашық дәрістің спикері, өту күні мен уақыты туралы ақпарат қосымша хабарланатын болады. 

 
Ашық дәріске қатысып біліміңіз бен танымыңызды кеңейту мүмкіндігін жіберіп алмаңыздар, құрметті оқырмандар! 

6 қыркүйек күні Академияда Қостанай облысы әкімдігінің басшылық құрамы үшін «Тиімді коммуникациялар» тақырыбында бір күндік семинар өтті. Семинар барысында Академия тренерлері Мұстафин Ерлан Сейткенұлы және Ибраева Жанна Досбекқызы тиімді коммуникацияның ерекшеліктері және келіссөздер жүргізу әдістері бойынша оқыту өткізді.

?Академияның Басқару институтының директоры Ғайыпов Зулфухар Сұлтанұлы Мемлекет басшысы Қасым-Жомарт Тоқаевтың Қазақстан халқына Жолдауына талдау жасап, «Адал Азамат» тұжырымдамасына тоқталып өтті.

Филиалымызда «Абай күніне» арналған челлендж аясында төртінші ашық дәріс өтті.
⠀
Дәрісті филиалымыздың аға оқытушысы, Қостанай облыстық мәслихатының депутаты Ғайния Есеева «АДАМ ЖАНЫ НЕГЕ МҰҚТАЖ? ЖЕТІНШІ ҚАРА СӨЗДІҢ ҚҰПИЯСЫ» тақырыбында өткізді. Дәріс барысында Ғайния Қалымжанқызы Абайдың жетінші қара сөзінің мәнін түсіндіріп, өз ойларымен бөлісті. Сонымен қатар Ғайния Қалымжанқызы бүгінгі күнге дейін Абайдың Қара сөздерінің өшпес өзектілігін атап өтті.
⠀
Дәріске филиал тыңдаушыларымен қоса, инстаграм желісі арқылы қызығушылық танытқан Қостанай қаласының тұрғындары қатысты.
⠀
Дәріс соңында Ғайния Қалымжанқызы келесі ашық дәріс өткізу челленджін Академия түлегі, Қостанай облысы әкімдігінің дін істері жөніндегі басқармасының басшысы Қалмақов Ерлан Болатұлына жолдады.
⠀
Келесі ашық дәрістің өту күні мен уақыты туралы ақпарат қосымша хабарланатын болады.
Ашық дәріске қатысып біліміңіз бен танымыңызды кеңейту мүмкіндігін жіберіп алмаңыздар, құрметті оқырмандар!

Бүгін — Қазақстан халқының тілдері күні.

?Бұл мереке туған тілге деген құрмет мен сүйіспеншілікті, сондай-ақ, өзге ұлттардың мәдениеті мен дәстүрін танып, білуге бағытталған.

?Осы уақытқа дейін 22 қыркүйек күні тойланатын мейрамның 2017 жылы датасы өзгерді. Бұдан былай мейрам 5 қыркүйек күні аталып өтіледі.
?Мейрамның жаңа датасы Ахмет Байтұрсынұлының дүниеге келген күніне сәйкестендіріп таңдалып алынған.

2024 жылғы 5 қыркүйек күні сағат 11:00-де ҚР Президентінің жанындағы Мемлекеттік басқару академиясының Қостанай облысы бойынша филиалында Ұлы ақын, жазушы, қоғам қайраткері, ағартушы және қазақ жазба әдебиетінің негізін қалаушы Абай Құнанбайұлының күніне орай ұйымдастырылған челлендж аясында төртінші ашық дәрістің өтетінін хабарлаймыз.
⠀
Дәрістің тақырыбы: «АДАМ ЖАНЫ НЕГЕ МҰҚТАЖ? ЖЕТІНШІ ҚАРА СӨЗДІҢ ҚҰПИЯСЫ».
⠀
Дәрісті филиалымыздың аға оқытушысы, Қостанай облыстық мәслихатының депутаты Есеева Ғайния Қалымжанқызы өткізеді.
⠀
Барлық ниет білдірушілерді осы іс-шараға қатысуға шақырамыз!
⠀
Ұлы ойшыл бабамыздың өмірі мен шығармашылығы туралы сөз қозғалатын әдемі іс-шараның куәсі болудың ерекше мүмкіндігін жіберіп алмаңыздар!
⠀
Өтетін күні: 2024 жылғы 5 қыркүйек.
⠀
Уақыты: 11:00-де.
⠀
Орны: Қостанай қаласы, Байтұрсынов көшесі, 67, 1 қабат, 105 кабинет.
⠀
Алдын-ала тіркеу 8 777 373 88 73 WhatsApp нөмері бойынша жүреді.
Сонымен қатар дәрісті осы парақшамызда тікелей эфирде көре аласыздар.
⠀
Келіңіздер! Дәрістің құрметті қонағы болыңыздар!

27-29 тамыз аралығында филиалда «Қазақстан Республикасында сайлау процесінің негіздері және сайлау өткізу кезінде сайлау комиссияларының жұмысын ұйымдастыру» семинары өтті.
⠀
Семинар республикалық референдум мен сайлау науқандарын ұйымдастыру мен өткізудің негізгі аспектілеріне арналды. Қатысушылар сайлау комиссияларын қаржылық қамтамасыз ету және құжаттаманы ресімдеу, сондай-ақ науқандарды құқықтық сүйемелдеумен байланысты практикалық мәселелерді талқылады. Комиссия мүшелерінің құқықтық өріс шеңберіндегі іс-әрекеттері, IT-технологияларды қолдану және SMM-менеджмент пен бақ-пен жұмысты қоса алғанда, ақпараттық қамтамасыз ету тәсілдері қаралды.
⠀
Сонымен қатар, семинар аясында дауыс беру күнін ұйымдастыруға және мүгедек адамдардың қатысуы үшін жағдай жасауға баса назар аударылды.

Құрметті қазақстандықтар!

Баршаңызды маңызды мемлекеттік мерекелердің бірі – Қазақстан Республикасы Конституциясы күнімен құттықтаймыз! ?

⚜️Конституция — бірлігіміздің тұрақтылығын, мемлекеттік құрылым мен еліміздің тұтастығын бекітіп беретін бейбітшілік кілті.

? Егеменді еліміздің гүлденуі жолындағы еңбектеріңіз табысты болсын!

Қостанай облысы бойынша @apa.kz филиалының қызметкерлері Қазақстан Республикасының Конституциясы күніне арналған салтанатты іс-шараға қатысты! ?
⠀
Іс – шараны ҚР Мемлекеттік қызмет істері агенттігінің Қостанай облысы бойынша департаменті (бұдан әрі — Департамент) ұйымдастырды. Құрметті қонақтар қатарына Департамент пен филиал қызметкерлері ғана емес, мемлекеттік қызмет ардагерлері де қатысты.
⠀
Іс-шара аясында Департамент басшысы Ерлан Салықбаев барлық қатысушыларды маңызды мереке — Конституция күнімен құттықтады! Сондай-ақ, Ерлан Амандықұлы облыс әкімі мен Департаменттің атынан қызметтік міндеттерін үлгілі орындағаны үшін құрмет грамоталарын табыстап, мемлекеттік қызметтегі қосқан үлесі мен ерекше жетістіктері үшін ризашылығын білдірді.
⠀
Біздің әріптестеріміз: филиалдың аға әдіскері Әсия Тулекова Департамент басшысының грамотасымен марапатталды.
⠀
Конституция күні біздің бостандыққа, әділеттілікке және өркендеуге деген ортақ ұмтылысымызды білдіреді. Әр күн біздің еліміз бен жетістіктеріміз үшін мақтанышқа толы болсын!

А. ж. 26-28 тамыз аралығында филиалымызда «Ең алдымен – адамдар: мемлекеттік қызметтердің сапасын арттырудың практикалық құралдары» семинары өтті. Дәріскерлер ретінде:
⠀
?Гүлнара Шагирова — ҚР Мемлекеттік қызмет істері агенттігінің Қостанай облысы бойынша департаменті басшысының орынбасары,
⠀
?Ерлан Әбілдинов — академик З. Алдамжар атындағы ҚСТУ профессоры, халықаралық аграрлық білім академиясының корреспондент-мүшесі шақырылды.
⠀
Үш күн ішінде тыңдаушылар «ҚР – да мемлекеттік басқаруды дамытудың 2030 жылға дейінгі Тұжырымдамасы: «адам орталықтандырылған» модель құру -«адамдар бірінші кезекте»», «мемлекеттік қызмет көрсету үдерісінің реинжинирингі», «мемлекеттік қызметтер саласындағы онлайн-платформаның электрондық сервистері», «Мемлекеттік қызметтердің сапасын бақылау және бағалау», «мемлекеттік қызметтерді көрсетудегі проактивті тәсіл» сияқты тақырыптарды зерделеді.