Академия
жаңалықтары

«Top projects» жобасы аясында 2023 жылдың 27 қарашасы мен 11 желтоқсаны 
аралығында онлайн форматта «Тыңдаушының ең үздік жобалық жұмысы-2023» байқауы 
өткізілді. 
⠀⠀ 
Жобаның басты мақсаты — филиал тыңдаушыларының үздік жобаларын одан әрі 
ілгерілету және іске асыру үшін мүмкіндігінше мүдделі адамдар мен стейкхолдерлердің 
көбірек білуін қамтамасыз ету, өйткені тыңдаушылардың жобалары өңір және жалпы 
мемлекеттік басқару секторы үшін жоғары өзектілікке ие. 
⠀ 
Байқауға жыл бойы комиссия мүшелерімен А/А+, яғни «өте жақсы» деп бағаналған 8 
жоба қатысты. 
⠀ 
Жобалардың бейнепрезентациялары instagram-дағы парақшада орналастырылып, дауыс беру арқылы өтті. 
Дауыстарды санау кезінде instagram парақшасында жасалған барлық әрекеттер әр жоба 
бойынша жеке-жеке жинақталды. 

Өкінішке орай биылғы жылы дауыс беру кезінде үш жоба адал емес әдістерді қолдану арқылы дауыс жинақтағандары үшін, оларды дисквалификациялауға мәжбүр болдық.  
 

Сонымен жеңімпаздарымыз: 

 
3️⃣ орынды – 165 дауыс және/немесе пікір жинаған «Ақпараттық технологиялардың ерекше әлемі» жобасы жеңіп алды. 
Жоба авторлары: 
Самаева Лаура   

Канапина Асем    

Абилтаева Салтанат    

Бибусунова Айым  

  ⠀ 
2️⃣орында – 205 дауыс және/немесе пікір жинаған «Тылсым Торғай» 
жобасы 
Жоба авторлары: 
Кадырменова Асемгуль  

Жортулова Баян  

Айтбай Нариман 

Абилов Ерлан   

Тоқтарбаев Талғат  

⠀ 
1️⃣орында – 279 дауыс және/немесе пікір жинаған ««DamuMed» қосымшасына электрондық  «E-recept» функциясын енгізу» жобасы 
Жоба авторлары: 
 

Калиева Айгерим 

Нұрсұлтан Әрсен  

Қуандық Әсел  

Таскумбаев Мурат   

⠀ 
Сондай-ақ, биылғы жылы байқаудың бас жүлдесін, яғни Гран-при дәрежесін 603 
дауыс және/немесе пікір жинаған «Таза болашаққа қадам» жобасы жеңіп алды.? 
⠀ 
Жоба авторлары: 
Сағит Бекзат  

Давлетова Айгуль    

Калмакова Алия   

Мурзахметов Нурадин    

Бисахалова Назым    

Чакиева Анара    

⠀ 
Жеңімпаздарды шын жүректен құттықтаймыз! Жобалық идеяларды табысты 
іске асыруда сәттілік тілейміз! 
⠀ 
Байқау жеңімпаздарына грамоталар табысталатын болады, ал олардың жобалық 
жұмыстары «Top projects» жинағына енгізіліп, жинақ облыстық жобалық офиске іске асыру 
ұсынысымен табысталатын болады. 

А.ж. 11 желтоқсанында Филиалымызда «Жас мемлекеттік қызметші мектебінің» ресми ашылуы өтті. Салтанатты ашу шарасы Мемлекеттік қызмет істері Агенттігіңің Қостанай облысы бойынша Департаментінің Мемлекеттік қызмет басқармасының басшысы Алия Оспанованың қатысуымен өтті.

Ресми ашылу бағдарламасы аясында жас мемлекеттік қызметші мектебінің қатысушыларына филиалымызда орналасқан мемлекеттік қызмет мұражайына экскурсия ұйымдастырылды.

Естеріңізге сала кетсек, жас мемлекеттік қызметші мектебінің оқу бағдарламасы 40 академиялық сағатты құрайды. Бүгін оқу мемлекеттік қызметшінің әдебі тақырыптағы дәрістен бастау алды. Жас мемлекеттік қызметші мектебінің қатысушылары өндірістік практикаға 2024 жылдың қаңтар айынан жіберілетін болғандықтан, оқу онлайн форматта жалғасын табуы мүмкін.

Өткен жұмада ҚР Президентінің жанындағы Мемлекеттік басқару академиясының Қостанай облысы бойынша филиалы жанындағы Эксперттік кеңестің отырысы өтті. Күн тәртібінде 2023 жылға арналған мемлекеттік қызметшілерді оқыту бойынша филиал қызметінің қорытындысы және өңірлік компонентке баса назар аудара отырып, мемлекеттік қызметшілердің қайта даярлау курстары мен біліктілігін арттыру семинарларының 2024 жылға арналған күнтізбесін қалыптастыру туралы мәселелер қаралды. 

Осы жылы Кеңес құрамы кеңейтіліп, жаңа тұлғалар қосылды, атап айтқанда: 

 ҚР Мемлекеттік қызмет істері агенттігінің Қостанай облысы бойынша департаментінің басшысы Ерлан Салықбаев; 

Қостанай облысы әкімі аппаратының персоналды басқару қызметінің басшысы Мэлс Әбдірахманов; 

Қостанай облыстық мәслихатының облыстың бюджет және экономикалық даму мәселелері жөніндегі тұрақты комиссиясының төрағасы, Қостанай облыстық мәслихатының депутаты Серік Манасбаев; 

«Қостанай таңы» ЖШС жаңалықтар бөлімінің басшысы Оксана Лукаш. 

Сонымен қатар Кеңес жұмысына мемлекеттік қызмет ардагері Римма Ғайсенова, Қостанай облысы бойынша Тексеру комиссиясының мүшесі. @apa.kz түлектерінің облыстық Ассоциациясының мүшесі Арман Испудинов, Қостанай облысы әкімдігінің қоғамдық даму басқармасының басшысы Марат Жұрқабаев, «Қоғамдық келісім» КММ басшысы Наталья Рамазанова және Қостанай облысы бойынша эмпирикалық әлеуметтану зерттеулер орталығының басшысы Анжелика Ткаченко қатысты. 

Кеңес мүшелері алдағы оқу жылына арналған курстардың тақырыптары мен семинар бағдарламаларының мазмұнын ашуда ескерілетін маңызды және практикалық ұсыныстар берді. 

Өзекті тақырыптар көтеріліп, отырыс қорытындысы бойынша Эксперттік кеңес мүшелері семинарлар үшін оқу бағдарламаларын әзірлеу, шақырылатын  дәріскерлерді іріктеу кезеңдеріне белсенді қатысып, оқыту мазмұнын жақсарту мақсатында сабақтарға қатысып, өңірлік компонентке кіретін семинарлардың мазмұнын бірлесе қарастыру туралы шешім қабылданды. 

А.ж. 29 қараша мен 1 желтоқсан аралығында «Мемлекеттік қызметтегі тиімді коммуникациялар» семинары өтті. Тыңдаушылардың құзыретін арттыруға білімі мен тәжірибесі зор дәріскерлер шақырылды. 
⠀
Дәріскерлер тізімінде мемлекеттік қызметтегі коммуникациялар саласындағы жетекші сарапшылар да болды. Олар іс-шараға қатысушыларға қарым-қатынас пен өзара әрекеттесу дағдыларын жетілдіруге көмектесу арқылы құнды тәжірибелерімен бөлісті.
⠀
Семинар барысында қатысушылар тиімді қарым-қатынас, коммуникацияларды басқару әдістерін меңгерді. Сонымен қатар тиімді коммуникацияларды құру алгоритмі, дағдарыстық коммуникациялар, коммуникация психологиясы сияқты тақырыптар зерттелді. Ақпараттың әртүрлі түрлерімен жұмыс істеудің маңызды аспектілері, коммуникативтік кедергілерді еңсеру жолдары қамтылды.
⠀
Сабақтар интерактивті пікірталас форматында өтті, бұл қатысушыларға теориялық білім алуға ғана емес, оларды іс жүзінде қолдануға мүмкіндік берді. Талқылау барысында тыңдаушылар белсенді сұрақтар қойып, өз ойлары және идеяларымен бөлісті.
⠀
Қатысушылар семинардан жаңа біліммен, сенімділікпен және алған дағдыларды іс жүзінде қолдануға мүмкіндік алды. Сондай-ақ семинар туралы көптеген оң пікірлер қалдырды.

Кеше біздің филиалда Қазақстан Республикасы Президентінің жанындағы Мемлекеттік басқару академиясы түлектерінің Қостанай облыстық қауымдастығының кезекті отырысы өтті.
⠀
Отырысқа Қазақстан Республикасы Мемлекеттік қызмет істері агенттігінің Қостанай облысы бойынша департаментінің басшысы Ерлан Салықбаев қатысты.
Жиын барысында Академияның биылғы оқу жылын аяқтаған магистранттары қауымдастық қатарына ресми түрде қабылданып, 2024 жылға арналған жұмыс жоспары талқыланды.
⠀
Сонымен қатар Академия түлектері мемлекеттік қызметте мансаптық өсу, аумақтық кадрлық резерв қалыптастыру, мемлекеттік қызметке іріктеу тәртібінің өзгеруі және Қазақстан Республикасы Президентінің жанындағы Мемлекеттік басқару академиясының 30 жылдығын мерекелеуге арналған іс-шаралар жоспарына қатысты пікір алмасты.

Филиалымыздың білім беру бағдарламаларын әзірлеу және іске асыру кабинетінің меңгерушісі Айнұр Нақышбаева мен аға оқытушы Дариха Ақмухамбетованы жобаларды басқару қызметі саласындағы жұмыстарды жүргізуге қажетті «Жобаларды басқару жөніндегі нұсқаулық» ҚР СТ ІSO 21502-2022 стандарт талаптарына сәйкес «Тренер-консультант» санатын тағайындаумен ІV схема бойынша персоналды сертификаттаудан сәтті өткендерімен шын жүректен құттықтаймыз! 
⠀
Мемлекеттік қызметшілердің жобалық басқару саласындағы құзыреттіліктерін дамыту ісіне одан әрі зор үлес қосады деген сенімдеміз.
⠀
Құрметті Айнұр Саметқызы, Дариха Асылбекқызы, сіздерге еңбекте толағай табыстарға, мақсатта биік шыңдарға жете берулеріңізді тілейміз.

Кеше филиалда «Сыбайлас жемқорлыққа қарсы мәдениет. Сыбайлас жемқорлыққа қатысты құқық бұзушылықтар» семинары аясында қонақ дәріскер ретінде Қостанай облысы әкімінің орынбасары Ринат Мұхаметқали шақырылды. 
⠀
Ринат Зәкиұлы өз дәрісінде жемқорлықпен күресудің шетел тәжірибесімен бөлісті. Қостанай облысы бойынша сыбайлас жемқорлыққа байланысты қылмыстық істерді тергеу бойынша статистиканы келтіре отырып, әлеуметтік зерттеу нәтижесімен таныстырды.
⠀
Қостанай облысы азаматтарының 30,8% мемлекеттік қызметте жемқорлық деңгейі жоғары деп санайтындығы туралы мәлімдеді. Осыған орай, Ринат Зәкиұлы сыбайлас жемқорлықпен, теріс имиджбен күресудің тәсілдерін ұсынды. Оның ішінде транспаренттілік — мемлекеттік қызметтің ашықтығын, қажеттілігі мен маңыздылығын түсінікті жеткізу платформаларын жасау, азаматтармен тікелей кездесуге ыңғайлы мүмкіндік туғызу, диалогқа ұмтылу керектігін атап өтті.
⠀
Тындаушылар практикалық тұрғыда пайдалы және қажетті ақпаратпен қамтылған дәріс үшін спикерге ризашылықтарын білдірді.

Республика күні мерекесі қарсаңында филиал қызметкерлері Қостанай облысы бойынша Мемлекеттік қызмет істері департаментімен ұйымдастырылған мерекелік шараға қатысты. ✔️
⠀
Департамент басшысы Ерлан Амандықұлы Салықбаевтың құттықтау сөзінен кейін мемлекеттік қызмет саласының дамуына қосқан елеулі үлесі мен атқарған еңбегі үшін мемлекеттік қызмет ардагерлері мен белсенді мемлекеттік қызметшілер марапатталды.
⠀
Кейін шара викториналық сайыспен жалғасын тапты.
⠀
Марапат иелерін құттықтай отырып, мерейлеріңіз үстем, абыройларыңыз асқақ болсын демекпіз!
⠀
Барша қазақстандықтарды Ұлттық мереке – Республика күнімен құттықтаймыз!

13 қазанда Академия филиалында «Б» корпусының мемлекеттік әкімшілік басшы лауазымына алғаш тағайындалған мемлекеттік қызметшілерге арналған қайта даярлау курстарының тыңдаушылары үшін қонақ кездесу ұйымдастырылды. Спикер ретінде Лисаков қаласының әкімі Абай Ибраев шақырылды. 
⠀
Абай Сарсембаевич өзінің мемлекеттік қызметтегі тәжірибесімен бөлісіп, өңірдегі өзекті мәселелер шешу жолдары мен өнеркәсіптік кәсіпорындардың дамуы жайлы сөз қозғады.
⠀
Тыңдаушылар барлық қызықтырған сұрақтарына жауап алып, кездесудің пайдалы әрі мазмұнды өткенін атап өтті.

Қайта даярлау курстарының тыңдаушылары үшін бірқатар мотивациялық кездесулерді жалғастыра отырып, бүгін мемлекеттік қызметке алғаш келгендермен кезекті кездесу өтті.
⠀
Жас мамандар алғаш рет оқуға келгендіктен, олардың өзін-өзі дамытуға деген қызығушылығын ояту және мемлекеттік қызметте жұмыс істеудің артықшылықтарын көрсету өте маңызды болды. Кездесу барысында қатысушыларға мемлекеттік қызметте өсу және даму мүмкіндіктері туралы ақпарат берілді.
⠀
Көпшілікті ҚР Президентінің жанындағы Мемлекеттік басқару академиясында оқу мүмкіндігі ерекше қызықтырды. Тыңдаушылар іріктеу кезеңдері мен қабылдау шарттары және оқу аяқталғаннан кейін ашылатын мүмкіндіктері туралы көптеген сұрақтар қойды.
⠀
Кездесу соңында тыңдаушылар өз инсайттарымен бөлісіп, академияға оқуға түсуге қызығушылықтары оянғандығын айтып, бұдан былай оқуға түсу үшін дайындықты бастап кететіндіктері туралы айтып қуантты.

Кеше Қостанай облысы бойынша ҚР Мемлекеттік қызмет істері агенттігі департаментінің ұйымдастыруымен Лисаковск қаласында өткен “Әділетті Қазақстан – Адал азамат” Қостанай облысының Әдеп жөніндегі уәкілдері форумына қатысып, модератор ретінде филиал директоры Ақерке Бекахметова сөз сөйледі.
⠀
Форумға Қостанай облысының орталық мемлекеттік және жергілікті атқарушы органдарының аумақтық бөлімшелерінің Әдеп жөніндегі уәкілдерінен басқа ҚР Мемлекеттік қызмет істері агенттігінің Әдеп жөніндегі уәкілі Мейірман Ғубайдоллаев, Лисаков қаласының әкімі Абай Ыбыраев, Әділет министрлігінің Әдеп жөніндегі уәкілі Алма Сыдықова, сондай-ақ үкіметтік емес ұйымдардың өкілдері, мемлекеттік қызмет ардагерлері қатысты.
Форумның пленарлық бөлімінде сөз сөйлеген спикерлер мінсіз бедел, кәсібилік және патриотизм жаңа формациядағы мемлекеттік қызметшілердің негізгі ұстанымы екенін атап өтті.
⠀
Панельдік сессияларда мемлекеттік қызметке кір келтіретін этикалық бұзушылықтар мен теріс қылықтардың алдын алу, мемлекеттік қызметшілер арасында құндылықтарды қалыптастыру мәселелері талқыланды.
⠀
Форумға қатысушылар оған енгізілген өзгерістерді ескере отырып, әдеп кодексіне түсініктемелер қалыптастыруға ерекше назар аударды.
⠀
Форум қорытындысы бойынша Әдеп жөніндегі уәкілдер жұмысының тиімділігін арттыруға, оның ішінде мемлекеттік қызметшілер арасында адалдықты, әділдікті, ашықтықты және клиентке бағдарлануды қалыптастыру мәселелері бойынша ұсынымдар енгізілді.

Академияның Қостанай облысы бойынша филиалында өткен жұма күні «Б» корпусының мемлекеттік әкімшілік қызметіне алғаш кірген мемлекеттік қызметшілерді қайта даярлаудың үш апталық курсы аяқталды.  
⠀
Оқу барысында тыңдаушылар стратегиялық менеджмент, өңірлік даму, цифрландыру бағыттарында білім алып, тиімді коммуникациялар, эмоционалды интеллект, креативті ойлау, жобаларды басқару бойынша кәсіби құзыреттіліктерін, жеке қабілеттері мен дағдыларын жетілдірді. Тыңдаушылар оқу барысында жинаған ілім-білімдері мен дағдыларын жобалық жұмысты жазу және қорғау үшін пайдаланды. 
⠀
Тыңдаушылар өңірлік қажеттіліктерге бағдарланған жобаларды қорғауға ұсынды, облыс аудандарының өзекті тақырыптарын қозғады.

Кеше Президенттік жастар кадрлық резервіне (ПЖКР) іріктеу мәселелері бойынша кездесу өтті.
⠀
Іс-шараға мемлекеттік, квазимемлекеттік және өзге де мекемелерде қызмет ететін, ПЖКР-не іріктеуге қатысуға ынтасы бар жастар, облыста қызмет етіп жүрген ПЖКР резервшілері және қоғам қайраткерлері қатысты.
⠀
Кездесу барысында жобаның мақсат-міндеттері, маңыздылығы, іріктеу рәсімдері және үміткерлерге қойылатын талаптар бойынша толыққанды ақпарат берілді.

Бүгін филиалда «Сыбайлас жемқорлыққа қарсы менеджмент және комплаенс» біліктілікті арттыру семинары аясында «KamLitKz» ЖШС комплаенс офицері Анара Идельбаевамен кездесу ұйымдастырылды. 
⠀
Анара Серікқызы комплаенс қызметкерлерінің функциялары мен өкілеттіктері туралы айтып, сыбайлас жемқорлық тәуекелдеріне ішкі талдау жүргізу тәжірибесімен бөлісті. Бұл саладағы білімі мен мол тәжірибесі тыңдаушыларды ерекше қызықтырды. Кездесу пікірталас форматында өтіп, семинарға қатысушылар өздерін толғандырған барлық сұрақтарға жауап алды.
⠀
Анара Идельбаеваның қаржы полициясында, сыбайлас жемқорлыққа қарсы қызметте және бизнесте тәжірибесі бар.

ҚР Президентінің жанындағы Мемлекеттік басқару академиясының Қостанай облысы бойынша филиалында «Сыбайлас жемқорлыққа қарсы менеджмент және комплаенс» семинары аясында ҚР Сыбайлас жемқорлыққа қарсы іс-қимыл агенттігінің Қостанай облысы бойынша департаментінің превенция және парасаттылық басқармасының орынбасары Асылхан Шубаев қонақ дәріскер ретінде шақырылды. 
⠀
Асылхан Қайратұлы өз сөзінде сыбайлас жемқорлықтың алдын алудың тиімді құралы ретінде сыбайлас жемқорлыққа қарсы жұмысты жоспарлау мен жүзеге асыруда жобалық тәсілді енгізу туралы айтты. 2023 жылға арналған №4 типтік базалық бағыттар (ТББ-4) жобаларының картасына толығырақ тоқталып, оның орындалуы және нәтижелерімен бөлісті.
⠀
Мемлекеттік органдарда, сонымен қатар квазимемлекеттік мекемелерде сыбайлас жемқорлық тәуекелдерін талдау мақсаттарын атап өтті:
⠀
— Сыбайлас жемқорлық тәуекелдерін ішкі талдау сапасын арттыру;
⠀
— Сыбайлас жемқорлық тәуекелдерін анықтау;
⠀
— Сыбайлас жемқорлық құқықбұзушылықтар жасауға ықпал ететін себептер мен жағдайларды жою;
⠀
— Сыбайлас жемқорлық тәуекелдеріне сезімтал лауазымдарды анықтау.
⠀
Семинар тыңдаушылары ТББ-4 жұмыс жасауда туындайтын көкей кесті сұрақтарына жауап алды.