Академия
жаңалықтары

Ағымдағы жылдың 13 наурызында филиалымызға біліктілікті арттыру семинарының қонақ дәріскері ретінде Бейімбет Майлин ауданының әкімі Қайсар Мыржақыпов келді.
⠀
Аудан басшысы өзінің мемлекеттік қызметтегі тәжірибесімен бөлісіп, өңірдің тұрақты дамуында экономикалық өсу, әлеуметтік бағдарламалар және экологиялық тепе-теңдікті сақтап қалу жайында сөз қозғады. Атап айтқанда басқарып отырған өңірдің бес жылдағы әлеуметтік-экономикалық даму динамикасымен таныстырды. Сонымен қатар алдағы жылдарға
арналған су құбыры мен тарату желілерін салу, реконструкциялау, ауыл елді мекендерді газификациялау, медициналық қызметкерлерді жұмысқа тарту мақсатымен Новоильиновка ауылында фельдшерлік-акушерлік пунктін салу, аудан орталығында 18 пәтерлі тұрғын үй құрылысы басталғанын, өңірде жаңа жұмыс орындарын ашу бойынша жүзеге асқан жобаларды атап өтті.

⠀
Қайсар Батырханұлына дәріс үшін алғысымызды білдіреміз!

Ағымдағы жылдың 4-6 наурыз аралығында «Халықаралық әйелдер күні» мерекесі қарсаңында филиалымызда «Әйелдер көшбасшылығы» тақырыбында үш күндік семинар өтті. 
⠀
Семинар аясында мемлекеттік қызметте жүрген тыңдаушылар келесі сұрақтарды, атап айтқанда:
⠀
-Мансаптың тік моделін құру процесінде әйелдердің көшбасшылық қасиеттерін қалыптастыру және көрсету ерекшеліктері;
⠀
-Ситуациялық көшбасшылық;
⠀
-Әйелдер көшбасшылығының түсінігі мен мазмұны;
⠀
-Мемлекеттік қызметтегі көшбасшылық құзыреттерді дамыту және әйел басшылардың мансаптық өсу құралдары мен технологиялары;
⠀
-Мансап және отбасы: тепе-теңдікті қалай сақтауға болады деген тақырыптарға тоқталып, талқылады.
⠀
Семинар бағдарламасының мазмұны жан-жақты ашылып, тыңдаушылар тақырыптың өзектілігін және ақпаратты ұсынудың қолжетімділігін атап өтті.

Ағымдағы жылдың 4-6 наурыз аралығында филиалда мемлекеттік қызметшілерге арналған «Кәсіби этика және сыбайлас жемқорлыққа қарсы мінез-құлық» біліктілікті арттыру семинары өтті. 
⠀
Семинар аясында мемлекеттік қызметшінің әдебі, этика, сыбайлас жемқорлыққа қарсы мәдениет, сыбайлас жемқорлықтың ішкі тәуекелдерін анықтау, оң имидж қалыптастырудың маңыздылығы, парасаттылық мәселелері және басқа да тақырыптар талқыланды. Семинар диалог форматында өтті, қатысушылар жоғары белсенділік танытты.
⠀
Семинар соңында тыңдаушылар тақырыптың жан жақты ашылғандығын атап, оқытуды ұйымдастырғанымыз үшін филиал ұжымына оң баға берді.

Ағымдағы жылдың 4 наурызында мемлекеттік қызметшілерге арналған «Кәсіби этика және сыбайлас жемқорлыққа қарсы мінез-құлық» семинарында Әулиекөл ауданының әкімі Жансұлтан Тәукенов “Филиалдағы әкім күні” жобасы аясында қонақ дәріс өткізді. 
⠀
Әңгіме барысында Жансұлтан Қоңыртайұлы өзінің еңбек қызметі және өңірдің дамуы туралы баяндады. Тыңдаушылар тарапынан көптеген сұрақтар, атап айтқанда, Аманқарағай ормандарындағы өрттен кейінгі жағдай туралы, өрттен зардап шеккендерге берілген тұрғын үй жай-күйінің сапасы туралы және болашақта мұндай жағдайларға жол бермеу үшін әкімдік тарапынан қандай шаралар қабылданып жатқандығы туралы сұрақтар қойылды. Сондай-ақ, өңірдегі су тасқынының алдын алу шаралары қалай жүргізіліп жатқандығы айтылды.
⠀
Жалпы, кездесу барысында өңірлер үшін өзекті мәселелер мен оларды шешу жолдары қызу талқыланып, тәжірибе алмасу тұрғысынан тыңдаушылар үшін пайдалы ақпараттар берілді.

2024 жылдың 01 наурызында «Б» корпусының мемлекеттік әкімшілік басшы лауазымына алғаш тағайындалған мемлекеттік қызметшілерді қайта даярлау үш апталық курсының алғашқы тобы оқуын аяқтады. Курс аясында тыңдаушылар келесі модульдермен танысты:
-тұлғалық дағдыларды дамыту «Мен» тұжырымдамасы немесе «Өзіңнен баста» (тұлғалық тиімділікті арттыру үшін жеке білімді, қабілеттерді және
дағдыларды дамыту (soft skills));
-кәсіби дағдыларды дамыту «Мен және менің кәсіби тиімділігім»
(кәсіби қызметтің тиімділігін арттыру үшін дағдыларды, қабілеттерді және
білімді дамыту (hard skills));
-ұйымдастырушылық әлеуетті арттыру «Мен және команда» команданы тиімді басқару және ұйымдастырушылық әлеуетті арттыру үшін дағдыларды,
қабілеттерді және білімді дамыту.
⠀
Биылғы жылдан бастап нәтижелі бақылау нысандары өзгертіліп, тыңдаушылар өзгерістерді басқару тақырыбы аясында жобаны презентациялап, аналитикалық жазба тапсырды.
⠀
Жобаны қорғау комиссиясы тыңдаушылар дайындаған жобалардың өзектілігі мен практикада қолдануын жоғары бағалады.

«Б» корпусының мемлекеттік әкімшілік басшы лауазымына алғаш тағайындалған мемлекеттік қызметшілер курсының тыңдаушыларын мәдени-қоғамдық өмірге тарту, патриоттық тәрбие мен рухани-адамгершілік қасиеттерін дамыту мақсатында Қостанай облыстық Ыбырай Алтынсарин мемориалдық мұражайына экскурсия ұйымдастырылды.  
⠀
Қазақтың белгілі ағартушысы Ыбырай Алтынсариннің мұражайында тыңдаушылыр көрнекті тұлғаның өмірі мен педагогикалық қызметі туралы білімдерін кеңейтті. 
⠀
Экскурсия тыңдауышылардың көңілінен шықты. Олар мұражай әкімшілігіне танымдық экскурсиясы үшін алғыстарын білдірді.

А.ж. 29 ақпанында мемлекеттiк әкiмшiлiк басшы лауазымына алғаш тағайындалған мемлекеттiк қызметшілерге арналған қайта даярлау курстары тыңдаушылары үшін мотивациялық кездесу өткіздім. 
⠀
Кездесу барысында қатысушыларға мемлекеттік қызметте өсу және даму мүмкіндіктері туралы ақпарат бердім.
⠀
Көпшілікті ҚР Президентінің жанындағы Мемлекеттік басқару академиясында оқу мүмкіндігі ерекше қызықтырды. Тыңдаушылар іріктеу кезеңдері мен қабылдау шарттары және оқу аяқталғаннан кейін ашылатын мүмкіндіктері туралы көптеген сұрақтар қойды.
⠀
Кездесу соңында тыңдаушылар өз инсайттарымен бөлісіп, академияға оқуға түсуге қызығушылықтары оянғандығын айтып, бұдан былай оқуға түсу үшін дайындықты бастап кететіндіктері туралы айтып қуантты.

Ағымдағы жылдың 29 ақпанында «Б» корпусының мемлекеттік әкімшілік басшы лауазымына алғаш тағайындалған мемлекеттік қызметшілер үшін өткізілген курстың тыңдаушыларына Қостанай облысы әкімінің орынбасары Ринат Мұхаметқали «Кішкентай қадаммен, үлкен жетістіктерге»  тақырыбында қонақ дәріс өткізді.  
⠀
Ринат Зәкиұлы өз дәрісінде Қостанай облысында жүзеге асырылып жатқан “Оқы және Жең” онлайн-конкурсы мен ұлттық домбыра күніне арналған Қостанай облысы домбырашыларының күй шеруінің айлығын ұйымдастыру кезеңдері, жүзеге асырылуы  жайлы сөз қозғады.  
⠀
Сонымен қатар, әлеуметтік салада жүзеге асырылған бірнеше жоба бойынша ақпарат беріп, тыңдаушылардың сұрақтарына жауап берді. 
⠀
Әртүрлі мемлекеттік мекемелерден келген курс тыңдаушыларына ұйымдастырылған дәріс пайдалы болғанына сенімдіміз.  
⠀
Құрметті Ринат Зәкиұлы, Сізге өңірлік мемлекеттік қызметшілердің әлеуетін арттыруға қосқан үлесіңіз үшін алғысымызды білдіреміз.  

Алғыс айту күні аясында Академия филиалында тақырыптық development day ұйымдастырылды.
⠀
Алғыс айту күні — еліміздегі татулық пен келісім, қазақстандықтардың адал еңбегі мен үндестігінің айқындамасы. Көктемнің алғашқы күні аталатын мереке ата-аналарымызға, достарымызға, әріптестерімізге, елімізге, жерімізге алғыс айтуымызға тамаша мүмкіндік.
⠀
Іс-шара аясында Академия тыңдаушыларына Алғыс айту күнінің тарихы туралы ақпарат беріліп, осы күні еліміздің азаматтары бір-біріне ерекше ілтипат көрсетіп, ризашылығын білдірудің маңызы айқындалды. Сондай-ақ татулық, ынтымақ, достық сынды қастерлі құндылықтарды дәріптеудің ұлтты ұйыстырудағы рөлі талқыланды.
⠀
Development day — бірімізге біріміз алғыс айтып, ризашылығымызды білдірумен жалғасты.

Биылғы жылдың 1 наурызынан бастап еліміздің барлық өңірлерінде, республикалық маңызы бар қалаларда және Астанада өңірлік кадрлық резервтерге іріктеу басталады.
⠀
Осыған орай, филиал тындаушыларына жобаның негізгі мақсаты — жас басқарушылардың өңірлік пулдарын қалыптастыру және өңірлерді дамытуға талантты жастарды тарту туралы, сонымен қатар, іріктеу кезеңдерімен таныстыру жұмыстары жүргізілуде.

Қайта даярлау курстарының тыңдаушылары үшін өткен жұмада, ағымдағы жылдың 1 наурызынан бастап еліміздің барлық өңірлерінде, Республикалық маңызы бар қалаларда және Астанада басталатын, Өңірлік резервке іріктеу қағидаларын түсіндірумен кездесу өткізілді.
⠀
Қазақстан Республикасы Мемлекеттік қызмет істері агенттігінің Қостанай облысы бойынша департаментінің бас маманы Гүлбану Қабылова Мемлекеттік қызметке алғаш рет келгендерді іріктеу ережелерімен таныстырып, барлық сұрақтарға жауап берді.
⠀
Жобаның негізгі мақсаты-жас басқарушылардың өңірлік пулдарын қалыптастыру және өңірлерді дамытуға талантты жастарды тарту.
⠀
Өңірлік резервке алынған адамдар сайланатын лауазымдарды қоспағанда, жергілікті атқарушы органдарда «Б» корпусының мемлекеттік әкімшілік лауазымдарына орналаса алады.
⠀
Іріктеуге қатысушыларға қойылатын талаптар — Қазақстан Республикасының 35 жастан аспаған азаматы болу, жоғары білімі және кемінде 3 жыл еңбек өтілі болуы.

Ағымдағы жылдың 15 ақпанында «Б» корпусының мемлекеттік әкімшілік басшы лауазымына алғаш тағайындалған мемлекеттік қызметшілер курсының тыңдаушыларына Қостанай облысы әкімдігінің ақпараттандыру, мемлекеттік қызметтер көрсету және архивтер басқармасының басшысы Азамат Кашиев көшпелі практикалық сабақ ұйымдастырды.

Қатысушылар IKOMEK жедел әрекет ету орталығының қызметімен танысып, IQOSTANAY оқушылар сарайына экскурсияға қатысты.

Тыңдаушылар берілген ақпараттың қызықты әрі пайдалы болғанын атап өтіп, танымдық экскурсия үшін алғыстарын білдірді.

А.ж. 9 ақпанда Арқалық қаласының әкімі Әмірхан Асановтың қатысуымен мемлекеттік қызметке алғаш қабылданған мемлекеттік қызметшілерге арналған қонақ дәрісі өтті. 
⠀
Әкім тындаушылармен Арқалық қаласының дамуындағы өткен жылдың жетістіктерімен және ағымдағы жылға жоспарларымен бөлісті.
⠀
Әмірхан Біркенұлы Арқалақ қаласының жергілікті халқының көкейінде жүрген мәселелер мен оларды шешу жолында жүзеге асырылып жатқан жобалар туралы айтып өтті. Сонымен қатар жыл сайын тек Арқалық қаласында ғана өтетін “Жақсылық күні” атты ерекше мерекелік іс-шара туралы ақпаратпен бөлісті. Аталмыш іс-шара барысында жаппай күй орындалып, Арқалық қаласының тұрғындары Гиннестің рекордтар кітабына енуге ниетті екенін мақтанышпен айтты.
⠀
Әкім курстың барлық тыңдаушыларын 2024 жылдың 8 маусымында Арқалық қаласында өтетін осы бірегей іс-шараға қатысуға шақырды.
Тыңдаушылар дәріс үшін алғыстарын білдіріп, әкімге өздерін қызықтыратын сұрақтарын қойып жауап алуға барын салды.

«Б» корпусының мемлекеттік әкімшілік қызметіне алғаш қабылданған мемлекеттік қызметшілерді қайта даярлау курсы аясында ағымдағы жылдың 9 ақпанында Қостанай облысы әкімінің қаржы басқармасы басшысының орынбасары Алма Жүсіпованың қатысуымен қонақ дәріс өтті. 
⠀
Курс тыңдаушыларымен сұхбатында Алма Әутенқызы өзінің мемлекеттік қызметші, басшы ретіндегі дамуы туралы, сонымен қатар қаржылық бюджет жүйесінің жұмысы туралы айтып берді.
⠀
Осындай кездесулер жас мамандарға пайдалы болатындығына кәміл сенеміз.

Ағымдағы жылдың 02 ақпанында «Ең  алдымен -  адамдар: мемлекеттік қызметтердің сапасын арттырудың практикалық құралдары» семинарының аясында ұйымдастырылған 2024 жылғы алғашқы қонақ дәрісті Алтынсарин ауданының әкімі, ҚР Президент жанындағы Мемлекеттік басқару Академиясының түлегі Сартов Арнұр өткізді.  
⠀
Арнұр Маратұлы өз әңгімесінде билік жайында сөз қозғады, шет елдердің басқару стильдерін атап, тарихтан мысалдар  келтіріп,  мемлекеттік қызметтегі  өз тәжірибесімен бөлісті. 
⠀
 Кездесу барысында семинар тыңдаушылары сұрақтарын қойып, өз ойларымен бөлісті.